छत्रपति श्रीशिवाजी महाराजांची आरती
जयदेव जयदेव जय जय शिवराया
या या अनन्यशरणा आर्यां ताराया ।।ध्रु।।
आर्यांच्या देशावरि म्लेंच्छांचा घाला
आला आला सावध हो शिवभूपाला !
सद्गदिता भुमाता दे तुज हांकेला
करूणारव भेदुनि तव हृदय न कां गेला ?।।१।।
श्रीजगदंबा जीस्तव शुंभादिक भक्षी
दशमुख मर्दुनि जी श्रीरघुवर संरक्षी
ती पूता भुमाता म्लेंच्छांहीं छळता
तुजविण तिज शिवराया कोण दुजा त्राता ?।।२।।
त्रस्त आम्ही दीन आम्ही शरण तुला आलों
परवशतेच्या पाशी मरणोन्मुख झालों
साधु परित्राणाया दुष्कृती नाशाया
भगवन् भगवद्गीता सार्थ कराया या ।।३।।